SARDOT DADI WASIT EDIAN

SARDOT DADI WASIT EDIAN

Sodron : sayang anak.. sayang anak.. Nek ra sayang ojo manak.. (mbengok nganggo toa)

Mukri : sayang anak.. sayang anak.. ibu goyang bapak kepenak.. (mbengok nganggo speaker masjid)

Sodron : WOI !!! Kok melu-melu iklanku karepmu kepiye kri ?? (karo mbanting robot)

Mukri : sakkarepku to!! Wong podho bakulan iki !! (karo ngemut boneka barbie)

Sodron : ora iso!! nek ngene carane Kowe ngrusak bisnisku!! aku wes puluhan taun dodolan neng kene!!(karo ngrikiti gembot tetris)

Mukri : kowe sing ngganggu pembeliku!! aku yo puluhan taun kacek sedino karo kowe!!(karo ngremeti bal plastik)

Sodron : gelut wae yo kri?? (karo ngokang pistol air)

Mukri : siap!! (karo nyiapke bedil plastik)

Saknaliko wong 2 kuwi gelut dewe lan dadi tontonan wong akeh.. Pas lagi rame-ramene ngono,ono wong lanang siji,nggowo tas gede., sajak'e penumpang sing nembe mudhun seko bis,misah wong 2 sing lagi krawus-krawusan kuwi.. anggep wae jenenge sardot

Sardot : uwes mas.. uwes.. wes podho tuwane kok yo koyo cah cilik kabeh!! Iki jane ono opo to?? (karo misah)

Sodron : iki pak.. Mukri marai daganganku ora payu.. Hiks.. Hiks.. (karo ngelapi uluh nganggo s*mpak)

Mukri : sodron nakal pak.. Pembeliku direbut kabeh.. Huaaaaa!!! (nangis balon sabun)

Sardot : oh ngono to.. Aku nduwe solusi sing apik ki.. (karo sok mario)

Sodron+mukri : pi..piye pak?? (mripate berkaca-kaca)

Sardot : ngene.. Kedadian iki ki amargo kowe dagangane podho tapi bakulane jejeran.. Bener??

Sodron+mukri : be..bener pak!!

Sardot : mulakno saiki kudu dipisah..

Sodron+mukri : si..siap pak!!

Sardot : kowe (nunjuk sodron) ayo daganganmu dipindah neng sebelah tengen kono..

Sodron : iyo pak.. (karo mindah dagangane)

Sardot : trus kowe.. (nunjuk mukri) pindah neng kiwo kono.. Oke?

Mukri : oke pak!! (karo salto)

Sakwise dagangane dipindahi kabeh.. Wong 2 kuwi marani sardot maneh..

Sodron : wes tak pindah kabeh pak!! Muehehe!!

Mukri : sampeyan pancen bijaksana tenan pak.. Sesuk nyalon dadi bupati wae pak? Tak toblos wes.. Xixixi..

Sardot : hahaha.. Lha ngono nek akur kan apik lan disawang yo kepenak..

Sodron+mukri : (gandengan tangan)

Sardot : ..podho bakulane kudu nduwe tepo seliro..

Sodron+mukri : (pelukan)

Sardot : ..ojo serakah..

Sodron+mukri : (mbrebes mili)

Sardot : ..mugo-mugo diparingi rejeki lancar..

Sodron+mukri : (mbrebes mili jilid 2)

Sardot : lan sing PALING PENTING...
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
...aku iso melu DODOL DOLANAN neng kene muehehe.. (karo nggelar dagangan)

..SAYANG ANAK.. SAYANG ANAK.. SAINGANE ADOH AKU KEPENAK..
*sodron+mukri gelut maneh

***************************************************************